Jab We Met - II

Read Jab We Met - I and here goes the continuation :

Pari ki dost mujhe dekh kar hass padi
maano meri to lottery hi nikal padi

Kismat ne saath tab diya
jab uski dost ne mujhe 'Hi' kiya

arey mere neeche ki jameen khisak gayi
Dostoon.. vo to mere college ki dost nikal gayi

usne mujhe pass bulaya, aur pari se introduce karaya
thoda sa mein ghabraya, par mauke ko nahi gavaya

mene pari se najaar milai
vo najar churate hue sharmayi
thodi si sharam mujhe bhi aayi,
par himmat kar ke baat badai

chupke chupke vo mujhe dekh rehi thi
jaise koi ishaarein kar rehi thi
dheeme se meri baaton par vo hasti thi
reh-reh kar mujhko deewana karti thi

baaton hi baaton mein time nikal gaya
aur pyar ka bukhar mujh par chad gaya

ab raaton mein na neend thi, din mein na chen tha
uski ek jhalaak paane ko taras raha mera mann tha

raha nahi gaya, dard saha nahi gaya

dost se gujarish kari
pari se milne ki khwahish kari
dost mera dard samajh gayi
jugaad lagane mein vo lag gayi

usne meri sifarish lagayi,
aur Barista mein meeting fix karayi
phir 17 taarekh ke vo shaam aayi,
khushi ke pal mere naam layi

uss crowded place mein bhi kitni khamoshi thi
samne vo bethi thi, shayad uski hi madhoshi thi

na usse propose kiya, na haal-e-dil sunaya
seedi-sachchi baatein karke, usko apna fan banaya

phone number dete hue apne dil ki baat vo boli
hooton se na bolkar, aankhon se sab raj kholi

baatein hui, majak hue
kitne ek jaise hai hum, dillo mein ehsaas hue

phone ki baatein, roj ki mulakaaton mein badal gayi
adhuri jindagi uske saath se sawar gayi

wo mera din hai, wo meri shaam hai
meri puri jindagi uske naam hai

do saal ho gaye,ye rishta waise hi barkarar hai
ab to dono ko bus saat-pheroon ka intezaar hai